नेपाली हास्यव्यङ्ग्य अनलाइन पत्रिका

ज्ञानुवाकर पाैडेल :

हुन थालेको त हामी पहिल्यैदेखि बर्वाद रहेछौं !
सोच्न थालेको चाहिं कहिलेदेखि आजाद रहेछौं !!

घोक्न त घोके मान्छेले अनेक ‘राजनीतिक दर्शन’ !
व्यवहारमा उतारेको त केवल ‘फरियावाद’ रहेछौं !!

‘सुट-टाई’ लगाउँदा सारै भद्र देखिएर मात्र के गर्नु !
कैयनका नजरमा चाहिं ‘भ्रष्ट-जल्लाद’ रहेछौं !!

खडेरी परेको हो भने पनि अचेल यहां इमान्दारीको !
हुन नसकेको चाहिं किन आफै नै अपवाद रहेछौं !!

गुन लगाउन त लगाएकै हौं क-कसलाई हामीले !
आउने गरेको किन हामी कमैलाई मात्र याद रहेछौं !!

०००
काठमाडाैं