नेपाली हास्यव्यङ्ग्य अनलाइन पत्रिका

आदरणीय आगन्तुक महानुभावहरू
आसनग्रहणको समयदेखिनै
आँखा नझिम्क्याई आइफोन हेरिरहनु भएका
आयोजकका श्रीमाती ज्यूहरू,
मन नपरे पनि, कुरो नबुझे पनि
बाबुका लागि जबरजस्ती
कार्यक्रममा अआएर
कुर्सीमा आसन ग्रहण गरेदेखिनै
भिडियो गेममा व्यस्त छोराछोरीहरू
प्लेटमा चिसा मःम का डल्ला लिएर
मःम चबाउँदै खासखुसे गफमा व्यस्त छिमेकी साथीहरू,
मेरो भाषण सुन्न निन्द्रा देवीको निम्तोलाई
वास्ता नगरी उँगीरहनु भएका मेरा र साथीका
आदरणीय बाआमाहरू
आजको कविता विमोचन कार्यक्रम
यहिँ सकिएको जानकारी गराउँछु ।
यस कार्यक्रमलाई भव्य रुपमा सम्पन गर्न
तपाइँहरूको उत्साहपूणर् सहोभागिताको निम्ति
हार्दिक धन्यवाद टक्र्याउँछु ।
अन्त्यमा,
कार्यव्यस्तताको कारण
खाना खाएपछि टाप कस्नु भएका
अन्य आतिथिहरूलाई पनि कार्यक्रम भव्य बनाउन
सहयोग गर्नु भएकोमा
धेरै धन्यवाद ।

०००