हाम्रा बूढा पनि लास्टै कमेडी गर्नु हुन्छ
बेसुरमा वाइयात बोल्नु हुन्छ तुक न बेतुकका कुरा घोल्नु हुन्छ शब्द शब्दमा अरुलाई पोल्नु हुन्छ तर हाम्रा बूढा लास्टै कमेडी गर्नु हुन्छ ।
नारायण भट्टराई :
हाम्रा बुढा पनि लास्टै कमेडी गर्नु हुन्छ
पहिले धोती खुस्काउनु हुन्छ
अनि लाज भयो भन्नु हुन्छ
मुखमा खाना हाल्दै पिच्छे
कपडामा दाग लगाउनु हुन्छ
स्नान गरेर निस्कँदै पिच्छे
उल्टो गन्जी लगाउनु हुन्छ
आफू कुरो खुस्काउनु हुन्छ
अनि दोस अरुलाई लगाउनु हुन्छ
प्याच्च प्याच्च बोल्नु हुन्छ
आफ्नो गुह्य खोल्नु हुन्छ
बेसुरमा वाइयात बोल्नु हुन्छ
तुक न बेतुकका कुरा घोल्नु हुन्छ
शब्द शब्दमा अरुलाई पोल्नु हुन्छ
तर हाम्रा बूढा लास्टै कमेडी गर्नु हुन्छ
भाँडो चुहिएको हेर्नु हुन्न तर
दिन भरी पानी भर्नु हुन्छ
अरुका कुरा सुन्नु हुन्न
आफ्नै मात्र कुरा गर्नु हुन्छ ।
वहाँ गल्ती कहिलै गर्नु हुन्न किनकी
वहाँ नठोसी कहिलै बल्नुहुन्न ।
०००
हाल अमेरिका