नेपाली हास्यव्यङ्ग्य अनलाइन पत्रिका

गाेपाल बराल :

यो देशमा आज
फेरि को मडारिंदै छ ?
कसको राय सल्लाहमा
को किन बटारिंदै छ ?

गर्ने पर्ने काम नगरेर
गर्ने नहुने काम गरेर
यो देश कसले किन
उल्टो पथमा हिँडाइरहेछ ?

स्वाँठ साँढेको होक्राहोक्राले
धरती आकाश थर्कमान छ
कतिखेर के अनिष्ट हुने हो
कसैलाई पत्तै नहुँदो रहेछ !

भोकाहरूको बथानमा झै
तँछाडमछाड मच्चिएको छ
रक्तपिपासु जुकाहरू झैँ
ढाडिएकाहरूको कोलाहलले
बस्ती उजाडिने खतरा भएको छ

कोही रमिते बाटो बथानेर
ठट्टाको राग अलापिरहेछ
रोम जलेर खाग हुनै लागिसक्यो
स्वाँठ निरोझै आज ऊ
बाँसुरीको धुनमा लठ्ठ छ ।

०००
काठमाडाैं
(सन् २०१९ मार्च १४)