नेपाली हास्यव्यङ्ग्य अनलाइन पत्रिका

भट्टीबाट निस्किएपछि हो–हल्ला भो बजारमा
नपिउनेले पिएपछि हो–हल्ला भो बजारमा !!

एकै घुड्की लिनु थियो किन कुर्नु साँझ मैले
दिन दहाडै लिएपछि हो–हल्ला भो बजारमा !!

आँसु पिउँदै मर्दै जिउँदा चर्चा कतै भएन खै
सुरा पिउँदै जिएपछि हो–हल्ला भो बजारमा !!

पिउन कति गाह्रो हुन्छ पिएर त हेर तिमी
चुनौती त्यो दिएपछि हो–हल्ला भो बजारमा !!

एउटा नाम लुकेको थ्यो गाउँलेको छातीभित्र
बेहोसीमा सम्झेपछि हो–हल्ला भो बजारमा !!

उर्लाबारी, मोरङ