नेपाली हास्यव्यङ्ग्य अनलाइन पत्रिका

एक

प्रत्येक पहेँलो धातुलाई सूनको गजुर भन्न मन लाग्छ
प्रत्येक रङीन चरालाई बनको मजुर भन्न मन लाग्छ
चाकडी गर्दा गर्दा यस्तो बानी परिसक्यो अब ता
बाटामा कुनै गधालाई देखे पनि हजुर भन्न मन लाग्छ ।

दुई

ए जुन !
मेरो जस्तै ए जून !
झुटो हो तिम्रो हाँसो पनि
फरक छैन तिम्रो र मेरो
भित्र–भित्र रोएर पनि बाहिरबाट हाँस्ने बानीमा
फरक यति मात्र छ हामी दुईटाको कहानीमा
कि तिमी रून्छौ र तिम्रो आँसु शीत बन्छ
म रून्छु र मेरो आँसु गीत बन्छ ।