साधुराम कोमलनाथ रिमालतलबाट भर्याङ झिके
धेरै माथि पुर्याइदिए, सबै मिली उचालेर
तलबाट भर्याङ झिके, मलाई माथि उकालेर ।
गलत बाटो देखाएर, अघि बढ्न सिकाउँछन्
फर्किएर नहेर भन्छन्, हिलो मैलो उछालेर ।
सबैले हात अघि सार्छन्, लौ हावामा उड है भनि
हात थाप्ने कोही हुन्न, छोडिदिन्छन् उरालेर ।
मलजल गर्छन् गोडमेल गर्छन्, मुखले ठिक्क पार्नेहरू
योजना छ फ्याँकिदिने, जरैसित उखालेर ।
भन्छन् सबै तँ त यौटा, ‘कोमल’ सानो विरुवा होस्
फल्नु फुल्नु पर्छ भन्दै, हाल्छन् पानी उमालेर ।
नाङ्लेभारे– ५, काठमाडौं
हाल : युएइ, दुबई
Subscribe
Login
0 Comments
Oldest
