नेपाली हास्यव्यङ्ग्य अनलाइन पत्रिका

बिनाअर्थ खोक्ने मात्रै भेट्छु नेपालमा
समृद्धिलाई रोक्ने मात्रै भेट्छु नेपालमा ।

राष्ट्रियता व्यवहारमा भेटिए पो हुन्थ्यो
सधैं भाषण घोक्ने मात्रै भेट्छु नेपालमा ।

नारीबाटै नारी यहाँ अपहेलित हुन्छन्
किन न्याय टोक्ने मात्रै भेट्छु नेपालमा ।

एकर्काको अवनति रुचाउँछन् सबै
रुँदा ताली ठोक्ने मात्रै भेट्छु नेपालमा ।

स्वच्छ मनले नेपालीको कस्ले सेवा गर्ला
पाए घुसै धोक्ने मात्रै भेट्छु नेपालमा ।

कस्को घरखेत छैन यहाँ धितो राखिएको
ऋणको भारी बोक्ने मात्रै भेट्छु नेपालमा ।

क्यै गरौँ न भन्नेलाई बल्छी लाउँछन् सबै
लाखौँ शर्त तोक्ने मात्रै भेट्छु नेपालमा
धादिङ