डिल्लीप्रसाद अधिकारीढाँटिदिनेहरू छन्
बच्चाको गाला जस्तो हुन छोड्नुस् अब त मायाँ गरी मुसारे झैँ कुटिदिनेहरू छन् ।
जसरी पनि सबको प्यारो भइदिनेहरू छन्
यहाँ बिरालोलाई बाघ भनिदिनेहरू छन्
खाडलबाट निकालिदिनेहरू हुन् नभएका
म मरेँ भन्नुस् जिउँदै लगी पुरिदिनेहरू छन्
कसलाई आफ्नो सम्झेर म खुसी मनाऊँ
आफैले बालेको दीयो फुकिदिनेहरू छन्
भविष्यमा फूलको खेती कसले गर्ला र
पाए प्लास्टिक फूल बढी किनिदिनेहरू छन्
दुख बेसाउन चाहन्नन् डोरी किन बाट्थे
अर्काको पिङमा सक्दो मच्चिदिनेहरू छन्
बच्चाको गाला जस्तो हुन छोड्नुस् अब त
मायाँ गरी मुसारे झैँ कुटिदिनेहरू छन्
आभार दिऊँ लाग्छ झुटै बोलेको भए नि
याद त आइरहन्छौ भनी ढाँटिदिनेहरू छन् ।
०००
धादिङ
