ज्ञानुवाकर पौडेलव्यर्थै किन झुकेछु म !!
हुँदै नभएको त कहाँ हो र यहां गुणग्राही ! भएकाहरूका नजरमा पर्न चाहिं छुटेछु म !! फर्केर अब जानुपर्ने चाहिं कहाँ हो था’छैन ! कसरी किन यो संसारमा आइ-पुगेछु म !!
ज्ञानुवाकर पाैडेल :
अली अली मात्र हो र धेरै नै दुखेछु म !
पश्चातापको आंसुले निथ्रुक्क रूझेछु म !!
“म बाहेक तिमी सुहाउॅंदो अरू कोनै छ र !”
जाबो यतिकुरा सोध्न पनि किन चुकेछु म !!
स्वाभिमानका पर्याय ठान्थे मित्रहरू मलाई !
नझुक्नु पर्ने ठाउॅंमा व्यर्थै किन झुकेछु म !!
हुँदै नभएको त कहाँ हो र यहाँ गुणग्राही !
भएकाहरूका नजरमा पर्न चाहिं छुटेछु म !!
फर्केर अब जानुपर्ने चाहिं कहाँ हो था’छैन !
कसरी किन यो संसारमा आइ-पुगेछु म !!
०००
Subscribe
Login
0 Comments
Oldest
