दिनेश पाण्डेयबाबु र आमा
धरती जस्तै खुल्ला दिलको रविशशिजस्तै तेज उदयको तुलना पो के गर्नु र कसमा परमेश्वर हुन् बाबु र आमा ।।
दिनेश पाण्डेय (दिपा) :
काँडा बिझ्दा आफै रुन्छन्
सन्ततिका सब पीडा सुन्छन् ।
दुःख लुकाई गर्छन् धामा
परमेश्वर हुन् बाबु र आमा ।।
घाम र पानी टारी बस्छन्
सपना लाखौँ सारी बस्छन्
सन्ततिको सुख राख्छन् ध्यान
परमेश्वर हुन् बाबु र आमा ।।
आफू खाली पेट निदाई
सन्ततिको सुख मात्र चिताई
बोक्छन् केवल दर्द हियामा
परमेश्वर हुन् बाबु र आमा ।।
कर्म असलको पाठ रटाई
पथविस्मृतिमा याद दिलाई
बत्ती बन्दै चल्छन् पथमा
परमेश्वर हुन् बाबु र आमा ।।
धरती जस्तै खुल्ला दिलको
रविशशिजस्तै तेज उदयको
तुलना पो के गर्नु र कसमा
परमेश्वर हुन् बाबु र आमा ।।
०००
काठमाडाैं
Subscribe
Login
0 Comments
Oldest
