पुरूषाेत्तम सिग्देलसुस्तरी
ज्यून संसारमा माेह जाग्दै रह्याे मार्ग पल्लाे लिने त्रास भाे सुस्तरी लाेककाे भाेगकाे माेहकाे जालमा बाँधिने बेरिने लास हाे सुस्तरी ।
पुरूषाेत्तम सिग्देल :
अङ्गका शक्तिकाे ह्रास भाे सुस्तरी
बाँच्नकाे लालसा प्यास भाे सुस्तरी
जूनका साथमा खेल्न इच्छा थियाे
कल्पना दूर आकाश भाे सुस्तरी
माेज मस्ती गराैँ चाहना हुन्न र !
माेहनी मार्ग कैलाश भाे सुस्तरी
बर्ष लिस्नाे चढी उक्लिएँ भन्नू के?
पाइला पाइला भास भाे सुस्तरी
अङ्ग गल्दै रहून् तिर्सना बढ्छ झन्
रागकाे भित्र आवास भाे सुस्तरी
जिन्दगीकाे मजा लठ्ठ पार्ने सदा
मात लाग्ने नशा खास भाे सुस्तरी
ज्यून संसारमा माेह जाग्दै रह्याे
मार्ग पल्लाे लिने त्रास भाे सुस्तरी
लाेककाे भाेगकाे माेहकाे जालमा
बाँधिने बेरिने लास हाे सुस्तरी ।
०००
२०८३/२/१५ ।
काठमाडाैं
Subscribe
Login
0 Comments
Oldest
