नेपाली हास्यव्यङ्ग्य अनलाइन पत्रिका

प्रेम वली ढकलपुरे :

खै, के भयो अचेल मलाई,
एउटा नेतालाई आदर्श पुरुष मानेको छु।
उनलाई त अहिले भगवान नै ठानेको छु।
उनले जे बोले पनि महान लाग्छ,
अरूले बोलेको त यमराजको वाहन लाग्छ।
अब मन्दिर जान छाडेर उनकै भजन गाउँछु,
उनी त मलाई अब भगवान लाग्छ ।
उनले झुटो बोल्दा कृष्ण लाग्छन्,
उनले डोजर चलाउँदा शिव लाग्छन्,
उनले शासन चलाउँदा नारायण लाग्छन्।
म उनको महान भक्त परेँ, हजुर,
यस्तो भक्तलाई अन्धभक्त पो अरे, हजुर ?
यो कुरो सुन्दा तपाईंको कान पाक्छ,
अब त मलाई उनले
आची बिस्ट्याउँदा सुन लाग्छ,
सू गर्दा अमृत लाग्छ,
पादे पनि सुगन्धित लाग्छ।
घर, गाडी जता कतै उनको तस्बिर टाँगेको छु,
सय वर्ष चलाउन् यो देश भनेर भाकल मागेको छु।

०००
काठमाडाैं