नेपाली हास्यव्यङ्ग्य अनलाइन पत्रिका

प्रेम वली ढकलपुरे :

पैतीस वर्षदेखि
काङग्रेस, एमाले मावोवादीले
जनतालाई मकर सङ्क्रान्तिमा
खिचडी खुवाउँछौ भन्दै पछि लाए
तर भित्र भित्र खिचडी आफै खाए
सुकेको, दाम्रेको भुँडी बेलुन झैं उक्साए
खाँदा खाँदा नपचेर गन्द छोड्दै
एकले आर्काको कुरा फुस्काए ।

अझै पाक्दैछ भन्दै झुक्काउँदै थे
हामीले पत्याइ रहेकै थियौँ
तर के पत्याउँथे जेन्जीहरुले ?
त्यो खिचडी उखेलेर फाल्दे
आगोमा झोसेर नालीमा हाल्दे
खिचडीलालहरूचाहिँ—
कोही पर्खाल चढ्दै भागे,
कोही हेलिकप्टरमा उड्दै भागे,
कोही सैनिकसँग
“बचाइदेऊ” भन्दै शरण मागे ।

फेरि अनौठो दृश्य ?
भोटो टक्टक्याउँदै
जेन्जीहरुलाई भुक्दैछन् खिचडीलालहरु !
“खिचडी आउँदैछ है !” भन्दै
माइक पो फुक्दैछन्र खिचडीलालहरू !!

०००
काठमाडाैं