इन्द्रजीत शर्मा चौँलागाईनोटमा साटिँदै गए
सहिदका सपना आज भोटमा साटिँदै गए
भोट पाई नेता काला नोटमा साटिँदै गए ।
सत्ताको कुर्सीमा आफू पुगे ठीक नत्र बेठीक
यो सिद्धान्त नटेर्ने हर पङ्क्तिमा छाँटिँदै गए ।
कूटनीति र झुटनीति कप्टी राजनीति छ सकुनिको
मौलायो भष्टाचार ठग धेरै ठाँटिँदै गए ।
हत्यारा जनघाती नै सहिदमा फूल चढाउँछन्
सहिदको अपमान गर्ने कुकर्म आटिँदै गए ।
सहिदका आत्मपुञ्ज एकै स्वरमा चिच्याउँछन्
जाग हे वीर हो नत्र ज्युँने हक माटिँदै गए ।
मकवानपुर
Subscribe
Login
0 Comments
Oldest
