लालकाजी श्रेष्ठअरु कुनै गल्ती छैन
बेलुकी अल्ली ढिलो सुत्छु अरु कुनै गल्ती छैन
बिहान अल्ली ढिलो उठ्छु अरु कुनै गल्ती छैन
पिउन्न भन्यो पिउनै पर्ने कस्तो आदत बस्यो कुनी
हरेक साँझ भट्टी कुद्छु अरु कुनै गल्ती छैन
मस्ती गर्ने उमेरैमा उध्योग धन्दा कस्ले गर्छ?
हल्ली हल्ली गल्ली घुम्छु अरु कुनै गल्ती छैन
गाउँकी साँईली माईलीलाई कस्ले बाल दिन्छ र हौ
केकी अनि निता चुन्छु अरु कुनै गल्ती छैन
पढाई लेखाई गर्छु भन्यो छम्मा याद आउँछे दाजै
स्कुलका हर किलाँस छुट्छु अरु कुनै गल्ती छैन
जुवातास त खेल्नै हुन्न भन्छन ज्ञानीगुणीहरु
म त सँधै खालमै जुट्छु अरु कुनै गल्ती छैन
अर्तीबुद्धी दिनेको त मुखै हेर्न सक्दिन म
हाई काढेर त्यस्सै झुल्छु अरु कुनै गल्ती छैन
पौडी खेल्न जान्दिन म भैँसी कसम खान्छु साथी
आँखीतालमा झ्याप्पै डुब्छु अरु कुनै गल्ती छैन
हल्का गाँजा तानेपछी दोबाटोमा जान्छु सँधै
मिनी स्कर्ट लाउनी ढुक्छु अरु कुनै गल्ती छैन
सुर्ती गुट्खा मिठा अनि जर्दा पान खाने गर्छु
जताभाबी पिच्च थुक्छु अरु कुनै गल्ती छैन
सोझा सिधा सबैलाई मुर्गा पार्छु म त हजुर
तिनका गिदी जम्मै भुट्छु अरु कुनै गल्ती छैन
भुरा होइन तिन तिघ्राको भैसक्याछु अरे म त
ओछ्यानैमा अझै मुत्छु अरु कुनै गल्ती छैन
साथीसंगी सबैजाना बाबु आमा बनि सके
केटी खोज्दै बौलाहा हुन्छु अरु कुनै गल्ती छैन ।
धादिङ
