नेपाली हास्यव्यङ्ग्य अनलाइन पत्रिका

कोठामा सजिऊन् प्रबुद्ध जनका फोटाहरू जग्मग
गम्कोस् धूप बिहान शुद्ध तन भै कोठाभरी मग्मग
होओस् एक सफा सिराननजिकै पढ्ने ठूलो तालिका
अङ्ग्रेजी गणितै विज्ञान अरु हुन् पुस्तक शास्त्रादिका ।

मोबाएल नहोस् कुनै बखतमा हातमा सधैं पाठ होस्
कक्षामा रहँदा र बाहिर हुँदा सिक्ने कुरा चाख होस्
मेरो काम छ के म पढ्छु किन हो भन्ने कुरा सम्झनू
पासै हुन्न म र्व्यर्थ पढ्दिन बरु यस्ता कुरा बिर्सनू ।

गर्नू काम सघाउनू घरउँदी हाँसेर बोल्नू सदा
सिक्नू यो छ ठूलो मिलाप सहयोग साथी–सँगी एकता
सुन्नू चाख दिई कुरा अनि तिमी बोल्नू बिचारी प्रिय
सिक्नैमा मन होस् सुकार्यपनको चिन्तन गरोस् हिर्दय ।

ओछ्यानमा डसना मुलायम नहोस् ओढ्ने हओस् पातलो
बस्ने आसन होस् सफा र सजिलो दुर्गन्ध यौटै नहोस्
एक्लै घोक्न मजा छ याद गर है एक्लै गरे साधना
छिट्टै उठ्न सके बिहान पढिए ताजा हुने सम्झना ।

चेष्टा काग बनोस् र ध्यान बकुला न्र्द्रिा कुकुर्झैं गरे
आहारा पनि खानुपर्छ अलि कम भन्दै छ जो शास्त्रले
सम्झी यी उपरोक्त तथ्य मनमा गर्नू सदा चिन्तन
विद्यार्थी असली सशक्त अब लौ हे भाइबैनी बन ।

ओखलढुङ्गा