नेपाली हास्यव्यङ्ग्य अनलाइन पत्रिका

काठमाडौं, चैत्र २५, २०७२ । झण्डै एक दशकपछि बिहीबार भएको साझा प्रकाशनको निर्वाचनबाट डा. विजय सुब्बा, जीवनचन्द्र कोइराला र हरिहर खनाल सञ्चालक समिति सदश्यमा निर्वाचित भएका छन् । पुल्चोकस्थित साझाकै कार्यालयमा सम्पन्न संचालक समितिको निर्वाचनमा मनोहर लामिछाने सहित चार जना चुनावी मैदानमा थिए ।

आठ वर्षदेखि साझामा चुनाव हुन सकेको थिएन । अध्यक्ष, महाप्रबन्धक सहित ३ जना सरकारले नियुक्त गर्ने र बाँकी तीनजना सदस्य चाहिँ अंशियर साहित्यकारहरूबाट छानिने प्रावधान अनुरुप बिहीबार निर्वाचन भएको हो ।

निर्वाचनमा सबैभन्दा बढी मत कोइरालाले पाए । ५ सय ३४ मत खसेकोमा उनले ३ सय ८९ पाए भने सुब्बाले ३ सय ७५ र खनालले ३ सय ४३ पाएका थिए । मनोहरले भने २ सय ४ मतमा चित्त बुझाउनु पर्यो । कुल खसेको मतमा २७ बदर भएको साझा प्रकाशनका अध्यक्ष तथा महाप्रबन्धक डोलेन्द्र शर्माले बताए ।