तिमी हामी रमाउने

तिमी हामी रमाउने

तर तिम्रा पनि छैनन् जनता कतै खोज्यो भने मेरा पनि कतै छैनन् साँच्चै जनता रोज्यो भने यो त एउटा तरिका हो भन्ने, गर्ने, कमाउने जिन्दगीमा यसरी नै तिमी हामी रमाउने !

इन्द्रकुमार श्रेष्ठ

इन्द्रकुमार श्रेष्ठ :

तिम्रो पार्टीको भेला भए
तिम्रै कार्यकर्ता आउँछन्
मेरो पार्टीको भेला भए
मेरै कार्यकर्ता आउँछन्
तिमीलाई राम्रो माला
तिम्रै कार्यकर्ताले लगाइदिन्छन्
मलाई ठूलो माला
मेरै कार्यकर्ताले लगाइदिन्छन्
तिमीले भाषण गर्दा
तिम्रै कार्यकर्ताले ताली बजाउँछन्
मैले भाषण गर्दा
मेरै कार्यकर्ताले ताली बजाउँछन्
पद पाए सुविधाको
हाम्रै परिवार आफन्तले पाउँछन्
छुट पाए कुनै अपराधमा आखिर
हाम्रै कार्यकर्ताले पाउँछन्
तिमीले पनि भाषण गर्दा
‘जनता’ शब्द भन्दै जान्छौ
मैले पनि त्यसै भन्छु
हामी दुवै ‘जनता’ मान्छौँ
तर तिम्रा पनि छैनन्
जनता कतै खोज्यो भने
मेरा पनि कतै छैनन् साँच्चै
जनता रोज्यो भने
यो त एउटा तरिका हो भन्ने, गर्ने, कमाउने
जिन्दगीमा यसरी नै तिमी हामी रमाउने !