नेपाली हास्यव्यङ्ग्य अनलाइन पत्रिका

हो महोदय
त्यो मेरो देश
‘नेपाल’ हो
जहाँ
‘अन्धोलाई’
बन्दुक बोकाएर
निसानामा लगाउन
बाध्य गराइन्छ
अनि
‘लाटोलाई’
माइक थमाएर
तीन करोड जनताको
अघि विकासको नारा
लगाउन पठाईन्छ
र
दौडाइन्छ
‘लङगडो’लाई
सगरमाथामा
र
उता
बहिरोहरूलाइ पुराण
सुन्न दिल्ली पठाइन्छ

ए ! जनता तिमीहरू त
सद्दे छौ केही बोल
कहिलेसम्म मौन बस्छौ
अनि
कहिलेसम्म नहेरि बस्छौ ?
यस्तै गरि चुप बस्यौ भने
म पनि ती गणेशमान सिंहले
भनेका कुरा दोहोर्याउन बाध्य हुनेछु
र
भन्ने छु
‘नेपाली जनता भेरा हुन् ।’
जहदा, नवलपरासी