नेपाली हास्यव्यङ्ग्य अनलाइन पत्रिका

१.
जो जो बन्छन नायक सुनाइदिनु होला
जस्तो पर्छ पायक सुनाइदिनु होला
दम्भ भने गठबन्धनको काम गर्नु छैन
सरकार भयो नालायक सुनाइदिनु होला ।

२.
सोध्न सक्थ्यौ दुख्यो कि त ? प्रहार गरेपछि
सोध्यौ बल्ल असिमित प्रहार गरेपछि
मुटु दिँदा बदलामा माया मागें मैले
तिमी भयौ झन हर्षित प्रहार गरेपछि ।

३.
पानी मुनि ओभानो त बन्दै बनिंदैन
उम्ले पछि पोखिने हो नत्र पोखिंदैन
बाघको खोल ओढेकाले यत्ति बुझिराख्नु
सुपो ठटाउँदैमा हात्ती कहिल्यै तर्सिंदैन ।

४.
नजिक बनिदिन्छन र प्रहार गर्छन्
आफ्नै भनिदिन्छन र प्रहार गर्छन्
हिंडेको छ पाइला शिखर त्यो चुम्न
खाडल खनिदिन्छन र प्रहार गर्छन् ।

जहदा, नवलपरासी