नेपाली हास्यव्यङ्ग्य अनलाइन पत्रिका

कैले काँडा कैले फूलहरूले प्रहार भएको छ
हेर्नुहोस् सधैँ मैमाथि अत्याचार भएको छ ।।

म मेरी प्रियसीलाई याद नपठाउन भन्छु
भन्छिन सक्दिन हजुरसँग प्यार भएको छ ।।

शिक्षित खाडीमा पुग्छन् अशिक्षित सत्तामा
त्यसैले यहाँ भ्रष्टाचारीको सरकार भएको छ ।।

यो सरकार देह व्यापार गैरकानुनी हो भन्छ
तर देह बेच्ने युवतीलाई रोजगार भएको छ ।।

उता कुमारीहरू सन्तान जन्माउन विवश हुँदा
यता पत्रपत्रिकामा मुख्य समाचार भएको छ ।।

नवलपरासी