रुद्र ज्ञवालीपाँच क्वीन्टल दाउरा
न चिता सुनको बन्छ न बन्छ सुनकै खट तृष्णको माकुरो जेल्छ खरानी नहुँदा तक ।
आएको सब नाङ्गै हो, नाङ्गै हो फर्किने पनि
कमाऊ जति सम्पत्ति जाँदैन साथ क्यै पनि
न चिता सुनको बन्छ न बन्छ सुनकै खट
तृष्णको माकुरो जेल्छ खरानी नहुँदा तक ।
सोध्दैन कालले को छ गरिब अथवा धनी
चल्दैन त्यसको सामु सोर्स फोर्स कुनै पनि
फुकाल्छन् देहमा जे छन् पुर्याएपछि घाटमा
लुकाई लान्छु क्यै भन्न खल्ती हुँदैन पाटमा ।
सुन चाँदी हिरामोती जवाहरात पत्थर
करोडौं अरबौं खर्बौं बैंक ब्यालेन्स होस् तर
जाँदैन साथ लागेर जाने बेला कुनै कुरा
लाग्छ आखिरमा काम पाँच क्वीन्टल दाउरा ।
गुल्मी
Subscribe
Login
0 Comments
Oldest
