रविन शर्मा चापागाइँशहर बेच्छु धनी हुन्छु
बिचल्लीमा परे परुन् बिचरा ती गण्डक बासी, कैलै पानी नआउने त्यो नहर बेच्छु धनी हुन्छु ।
गाउँ बेच्छु अनि मैले शहर बेच्छु धनी हुन्छु
उस्तै परे बिहानीको प्रहर बेच्छु धनी हुन्छु ।
कोहि भए किन्न आऊ सस्तो मुल्य राखेको छु
बिपनामै मेरा सबै रहर बेच्छु धनी हुन्छु ।
बिचल्लीमा परे परुन् बिचरा ती गण्डक बासी
कैलै पानी नआउने त्यो नहर बेच्छु धनी हुन्छु ।
प्रेममा नै धोका पाई बिष पिउने धेरै भेटें
पिउन साथै मारिहाल्ने जहर बेच्छु धनी हुन्छु ।
गरिबीको बिल्ला भिरी कतिन्जेल बाँची राख्नु
जे जे परोस् अब आफ्नै ठहर बेच्छु धनी हुन्छु ।
नवलपरासी
Subscribe
Login
0 Comments
Oldest
