तुलना गर्नै मिल्दैन
म ज्यान बन्दकी राखेर परदेश जाँदै जाँदिन आमा हो ‘मृत्यु’ सँग हाहाकारको तुलना गर्नै मिल्दैन ।
यो मेरो झुप्रो र सिंहदरबारको तुलना गर्नै मिल्दैन
केहि पैसासँग अत्याचारको तुलना गर्नै मिल्दैन ।
तिमि देश बनाउन हतियार बोक्छौ म कलम बोक्छु
अरे था’छ ? कलम र तरवारको तुलना गर्नै मिल्दैन ।
आफ्नाले जति पीडा दिए पनि सहन गरिरहनु पर्छ
किनभने दुश्मन र यारको तुलना गर्नै मिल्दैन ।
अचेल मायामा लगानी गर्नेहरू पाइलै पिच्छे भेटिन्छन्
अरे यार माया र व्यापारको तुलना गर्ने मिल्दैन ।
म ज्यान बन्दकी राखेर परदेश जाँदै जाँदिन आमा
हो ‘मृत्यु’ सँग हाहाकारको तुलना गर्नै मिल्दैन ।
नवलपरासी