नेपाली हास्यव्यङ्ग्य अनलाइन पत्रिका

चुलो भित्रै ढिकी जाँतो चुलो भित्रै घट्ट
पानी तताउ, दुई मिनेटमै खाना बन्ने चट्ट

एकै भेट्मा कुराकानी इमेल एड्रेस साट्छन्
लभ गरेको मैना दिनमा पार्टी प्यालेस डाक्छन्

हिजोसम्म हात्तीछापे पैदल हिँड्ने भाइ
अस्ती पेरिस आज मस्को भोलि त सङ्घाई

प्रविधिको जादु आयो समय भो छोटो
क्यामेराले खिच्न नपाई हातमा रङ्गिन फोटो

हामीले नै भोग्न पाउँला सत्ते हजुर कसम
परान गाको घण्टाभित्र पश्पतिमा भसम !

सिन्धुली, हाल : काठमाडौं