दुर्गाप्रसाद ग्वालटारेदास हुन्छ
बल्ल मेरो गोरु आएको छ मियोमा अब खलाभरि धानको रास हुन्छ ।
दुर्गाप्रसाद ग्वालटारे :
हुन त खुला जङ्गलमा वास हुन्छ
अहँ आजाद हुन्न स्याल दास हुन्छ ।
विदितै छ बहर बुद्ध बन्दैन कहिल्यै
हजुर हैन होक्राँ उसको मिजास हुन्छ ।
पण्डितहरूलाई सुनाइ रहेछु पुराण
गुजुल्टोको पनि त कतै निकास हुन्छ ।
बल्ल मेरो गोरु आएको छ मियोमा
अब खलाभरि धानको रास हुन्छ ।
पहिला त “ग्वालटारे” पो बन्नुपर्छ
तब न ग्वालटारको विकास हुन्छ ।
०००
फागुन २९ २०८०
कौसलटार, भक्तपुर ।
Subscribe
Login
0 Comments
Oldest
