दुर्गाप्रसाद ग्वालटारेसिकौँ कहाँ ?
हात्ती घोडा जहाज चड्ने आफन्त लाई देखाउनु छ- सिंह भन्दै राँगो चढी कजाउन सिकौँ कहाँ ?
दुर्गाप्रसाद ग्वालटारे :
आफ्नो पिठो चामलसँग भजाउन सिकौ कहाँ ?
फूलदानीमा राखी काउसो सजाउन सिकौं कहाँ?
हात माड्दै निहुरिँदै हाकिमको टेबुलसामु
कपटताको लाली घस्तै लजाउन सिकौँ कहाँ ?
मौसम हेरी झण्डा डण्डा चलाउन सिकाउने
मेरा ख्वामित् मौसुफलाई रजाउन सिकौँ कहाँ ?
जय “दुर्गे” को आवाजसँगै आफ्नै नाउँ गुञ्जाउन
रालो हल्लाई हल्लाई घण्ट बजाउन सिकौँ कहाँ ?
हात्ती घोडा जहाज चड्ने आफन्त लाई देखाउनु छ-
सिंह भन्दै राँगो चढी कजाउन सिकौँ कहाँ ?
०००
कौशलटार, भक्तपुर
Subscribe
Login
0 Comments
Oldest
