दुर्गाप्रसाद ग्वालटारेभएको छ
सधैँ हार्यो बगैँचामा माहुरीको घारले जित्ने चाहिँ अरिङ्गलको गोला भएको छ ।
दुर्गाप्रसाद ग्वालटारे :
विकास हुँदै धार्नी अचेल तोला भएको छ
मेरो मुलुक वृन्दावनको झोला भएको छ ।
स्वप्न देखें झुपडी होस् नीर कुण्ड छेउ
ब्युँझिँदा पो आँगन छेउ खोला भएको छ ।
सधैँ हार्यो बगैँचामा माहुरीको घारले
जित्ने चाहिँ अरिङ्गलको गोला भएको छ ।
प्रयोगशाला बन्न गयो बुझिनसक्नुको
परिक्षणमा नेपालीको चोला भएको छ ।
हिजो होला होला भयो लाग्यो लछारपाटो
आज फेरि केही होलाहोला भएको छ ।
०००
कौसलटार, भक्तपुर ।
Subscribe
Login
0 Comments
Oldest
