दुर्गाप्रसाद ग्वालटारेदोधारमा छु
अरबतिरै लहस्सिए अरबी घोडाहरू गधा रोजूँ कि खच्चर, दोधारमा छु ।
दुर्गाप्रसाद ग्वालटारे :
पहरा रोजूँ वा समथर, दोधारमा छु
वसन्त रोजूँ वा पतझर, दोधारमा छु ।
हेर्दाहेर्दै बग्दछन् गैरी खेतहरू
फाँट रोजूँ कि बगर, दोधारमा छु ।
भरिएको छ पेट गुलिया आश्वासनले
नीम रोजूँ कि सक्खर, दोधारमा छु ।
छान्नु छ उस्तै अनुहारका डङ्गुरबाट
बाँदर छानूँ कि बनकर, दोधारमा छु ।
अरबतिरै लहस्सिए अरबी घोडाहरू
गधा रोजूँ कि खच्चर, दोधारमा छु ।
०००
२०७४ असार ९
कौसलटार, भक्तपुर
Subscribe
Login
0 Comments
Oldest
