नेपाली हास्यव्यङ्ग्य अनलाइन पत्रिका

रमेश लामिछाने ‘अविरल’ :

अहंकारीले अहंकार देखाएर पो के पाउँछ
समय आएपछि समयले सबक सिकाउँछ

असिना बनेर आउनेको के प्रतिकार गर्नु खै ?
मात्र धैर्य गरिदिए पुग्छ, त्यो आफै हराउँछ

बैँसले उन्मत्त पुतली मैयालाई के था’ विचरा
बत्तीको उज्यालाले किरालाई कसरी सिध्याउँछ

भ्रममा छौ तिमी, सबै खेलहरू खेलजस्ता हुँदैनन्
शिकार गर्नुअघि बिरालाले पनि मुसो खेलाउँछ

समस्या भन्नु नै अवसर हो, तब बन्छ जिन्दगी
हरेक मुस्किलले सफलताको बाटो देखाउँछ ।

०००
मध्यनेपाल नपा- ६, भोर्लेटार, लमजुङ ।