फित्काैली डटकमजिन्दावाद भन्नुहुन्छ
के रिसाउनु र हजुरसँग आज मुर्दावाद भन्दा, भोलि सबैकुरा बिर्सिएर जिन्दावाद भन्नुहुन्छ।
प्रदीप रोदन :
म जान्दिन के सम्झिएर जिन्दावाद भन्नुहुन्छ।
कसैले दिने सराब पिएर जिन्दावाद भन्नुहुन्छ।
आँखा खोल्दा देश रित्तिसकेको हुनेछ भोलि,
अझै आँखा चिम्लिएर जिन्दावाद भन्नुहुन्छ।
आफ्नाहरू भेटिए के भन्नुहुन्छ होला तपाईं ?
दुश्मनहरुसँग मिसिएर जिन्दावाद भन्नुहुन्छ।
ज-जसले काँडा राख्दैछ हजुरको पैतलामा,
उसैलाई फूलमाला दिएर जिन्दावाद भन्नुहुन्छ।
के रिसाउनु र हजुरसँग आज मुर्दावाद भन्दा,
भोलि सबैकुरा बिर्सिएर जिन्दावाद भन्नुहुन्छ।
०००
गोरखा
Subscribe
Login
0 Comments
Oldest
