नेपाली हास्यव्यङ्ग्य अनलाइन पत्रिका

विदुर अधिकारी :

खेत गरामा होस् हरियाली
सन्ततिले सुख देखून् खालि
भन्छिन् कसले निशिदिन जान
आमा नै हुन् पालक मान ।

(१)
मेरा सन्तति हून्, बलशाली
सृष्टि जगत्मा पाऊन् ताली
आफैँलाई उछिनी जाओस्
भन्छ्न् बाबा, नाम कमाओस् ।

(२)
भव्य रमून् यो दिव्य धरामा
सौम्य जमून् सद्भाव पलामा
भन्छिन् कसले सन्ततिलाई
आमा राख्छिन् स्वप्न सजाई ।

(३)
अतिशय खप्दै, घाम र पानी
त्यो दिलमा रति, कष्ट नमानी
अर्पे जीवन कसले जान
बाबा नै हुन् दिव्य निसान ।

(४)
जानै पर्छ र, तीर्थ सजाई ?
पुज्न सकेमा, मातालाई
मिल्दछ आसिक, धेर धरामा
हुन् प्रिय ईश्वर, बाबु र आमा ।
(५)

०००
रामपुर, चितवन