सञ्जय साह मित्रअंशबन्डा
दाजुभाइ मौन थिए । एकले अर्काको मुख शत्रुले जस्तै हेर्दै हेरेनन् । वंश र बाँस जन्मिँदै छुट्टिएको सबैले बुझेकै छन् । छिमेकीहरु एक साथ दुवैलाई कराउन सुरु गरे ।
लोग्ने स्वास्नीको झगडा परालको आगो भन्छन् तर दाजु भाइको झगडा महाभारतभन्दा तगडा उखान घरघरमा लागू छ ।
यस्तै महाभारत चल्यो दाजुभाइमा । बुबाले बनाइदिएको घरमा अंशबन्डाको पुरुषार्थ हुने भयो । जग्गा जमिनमा त विवाद भएन तर घरको अंशबन्डा दाइभाइबिच नयाँ फन्डामा भयो ।
दुई भाइको भाग दुई दुई ओटा कोठा र चोटा भए । बिचैमा थियो धारा र शौचालय । जमिन बाँड्ने कि घर भन्ने थियो । दाजुका जहानबिच आगो र पानीको सम्बन्ध भइसकेको थियो । जमिन नै बाँड्ने हुँदा एउटामा शौचालय र अर्कोकोमा धारा पर्यो ।
दाजुभाइबिच बोलचाल बन्द भयो । निकै पिरो खाएपछि शौचालयबाट भने बाहिरसम्म आवाज आउँथ्यो ।
एउटीको माइतीमा झगडा भयो । झगडामा माइतीलाई बलियो बनाउन गइन् । उसको भागमा परेको शौचालयमा ताल्चा लगाएर निस्किइन् । यता अर्कीलाई पचेन, पखाला लाग्यो ।
दाजुभाइको महाभारतले गाउँघर गन्हाउन थाल्यो । धाराभरि फोहोर पारेर उनी पनि माइत निस्किइन् ।
संयोगले दुवै दाजुभाइ एकै समय पारेर घर फर्के मामाघरबाट । मामाको बिहेमा गएका थिए ।
दाजुभाइ मौन थिए । एकले अर्काको मुख शत्रुले जस्तै हेर्दै हेरेनन् । वंश र बाँस जन्मिँदै छुट्टिएको सबैले बुझेकै छन् । छिमेकीहरु एक साथ दुवैलाई कराउन सुरु गरे ।
गन्हाएर हो कि झगडाको बोध सहन नसकेर हो, दाजुभाइ बेहोस भए ।
०००
रौतहट
Subscribe
Login
0 Comments
Oldest
