नेपाली हास्यव्यङ्ग्य अनलाइन पत्रिका

श्रीप्रसाद पोखरेल :

लोकेन्द्र, पढाइरहेका थिए ‘शिवको धनुषको महिमा’ ।
विवेकको ध्यान अन्यत्र मोडियो । उसलेले गुरुसँग प्रश्न सोध्यो- “गुरु ! वास्तवमा शिवको धनुष कस्ले भाँचेको हो ?”

“मैले अघिनै भनिसकेँ रामले भाँचेका हुन् ।”
“भाँचेका चैँ किन रहेछ गुरु ?” विवेकको बाल मन बोल्यो ।
“धनुषमा ताँदो चढाउँदा भाँच्चिएको हो ।” गुरुले अवोध मन शान्तपार्ने प्रयास गरे ।
“धनुष भाचिँदा रामलाई कसैले गाली गरेन ?”

“उनलाई त फूलमालाले स्वागतसम्मान गरेर सीता विवाह गराइदिए ।” गुरुले सकारात्मक भाव प्रकट गरे ।
विवेकले गुनासो गरे- “हामी बालखलाई चैँ सानोतिनो गल्तीमा पनि ठूलो सजाय हुन्छ ।”

०००
इटहरी