नेपाली हास्यव्यङ्ग्य अनलाइन पत्रिका

भोलानाथ सुबेदी :

मुखुन्डो लाएर आउनेले
अर्काको मुख हेर्न खोज्यो
दुवै सम्मुख भएर
एक अर्काका आँखामा
नियालेर हेरे
चुप लागेर
आफ्नो बाटो लागे
उनीहरूलाई थाहा भयो
मुखुन्डो दुवैले लाउनुपर्ने रहेछ
उनीहरूले दुवैको आँखामा
आआफ्नो बिग्रेको अनुहार देखे
भ्रष्टाचार देखे
कमिसन देखे
ढिला सुस्ती देखे
सहकारीका बिजोग देखे
गिरिबन्धुका चिया देखे
सिसी क्यामेरा खाने
त्यो जुँगे मुसो देखे
शिविर घोटालाका
धमिरा लागेका फाइल देखे
शरणार्थी प्रकरण देखे
त्यसपछि उनीहरूले
मुखुण्डो लगाए
उनीहरू मुखुण्डो भित्रबाट बोल्छन्
सबैले ताली पिटेको सम्झन्छन्
जुन दिन उनीहरूले
मुखुण्डो निकाल्छन्
आफूलाई एक्लै भेट्छन्।

०००
काठमाडौं
(९८४३०५४१६१)