नेपाली हास्यव्यङ्ग्य अनलाइन पत्रिका

भलादमी भोला :

आलु पिडालु दाजु भाइ थिए ।
घिरौंला करेला आफन्त निस्किए।।
बारीको तोरी मिठो छु भन्छ।
दशैंका खसीको आफ्नै गनगन छ।।

यता कुकुरको पनि जुलुस आयो।
गल्लीको टट्टी कसले सिध्यायो।।
कागले पनि लौ घर घेरिसके।
सुँगुर र बँदेलले जिमी नै उदेले ।।

बाँदरले मकै लौ चोरी सिध्यायो।
घरको भकारी फोडी रित्यायो।।
अन्नको अनिकाल कसरी सहनु।
उसैको आदेशमा कसरी रहनु।।

धान खेतीमा सामै सामा छ।
निल्न ओकल्न खाको के नै छ।।
आफूभन्दा अग्लो ऋणको भारी।
तिर्नको लागि जानु नै छ पारी ।।

सम्झेर ल्याउँदा मनमा छ पहिरो।
अघि बढ्न खोजे भास छ गहिरो।।
महङ्गीले ढाड सेकेर हैरान भो।
चाडपर्व सम्झना मेरो त परान गो ।।

०००
ओखलढुङ्गा
(९८४३०५४१६१)