भोलानाथ सुबेदीउहाँ कवि हुनु भो
उहाँको मालिकले पाता कस्ने भन्नुभएको छ उहाँले त खुट्टा भाँच्ने भनेको हो आफ्नै सुर र लयमा हिँड्दा पनि नबुझ्ने तपाईँ कस्तो हो उहाँ कवि हुनु भो।
भलादमी भोला :
उहाँ कवि हुनु भो
उहाँले इँजार तान्नु भो
सुरुवाल फुस्कियो
उहाँ कवि हुनु भो ।
उहाँले गाँस छोड्नु भो
हामीले डकार छोड्यौं
सबै अघाएपछि
देशको आयात रोकियो
देश समृद्ध भो ।
उहाँले समस्या बोल्नुभो
समाधानमा भोट आयो
फिर्ता गर्न नमिल्ने रहेछ
उहाँ कवि हुनु भो ।
पाइन देखाएर
लाइन बसेपछि
ग्याँस सिलिन्डरमा नभरिए पनि
शरीरमा भरिन सक्छ
अलिकति ठट्टा पनि नबुझ्ने
कस्तो संस्कारको पर्नु हो
उहाँ कवि हुनु भो ।
आफ्नो कुरा नसुनेपछि
फन्केर हिँडेको
त्यति बुझ्न पनि
बारम्बार सबैले घेरेर
प्रश्न सोध्नुभो
शौचालय जाँदा पनि
झोला बोकेर जाने
उहाँ कवि हुनु भो ।
उहाँको मालिकले
पाता कस्ने भन्नुभएको छ
उहाँले त खुट्टा भाँच्ने भनेको हो
आफ्नै सुर र लयमा
हिँड्दा पनि नबुझ्ने
तपाईँ कस्तो हो
उहाँ कवि हुनु भो।
०००
ओखलढुङ्गा
(९८४३०५४१६१)
Subscribe
Login
0 Comments
Oldest
