चट्याङ मास्टरबाँकी छ
व्यवस्था फेरियो धेरै अवस्था फेर्न बाँकी छ अवस्था रहिरहे यस्तै व्यवस्था फेर्न बाँकी छ ।
व्यवस्था फेरियो धेरै अवस्था फेर्न बाँकी छ
अवस्था रहिरहे यस्तै व्यवस्था फेर्न बाँकी छ ।
घोषणा घोषणा गर्ने रहर कसकसको बाँकी छ ?
क्रान्तिमाथि थपी भ्रान्ति सहिद थप गर्न बाँकी छ ।
परिवर्तन ल्याए नेताले, नेतामा आउन बाँकी छ
परिवर्तन ल्याए जनताले जनतामा आउन बाँकी छ ।
रगत खुब बग्यो देशमा, पसिना बग्न बाँकी छ
अधिकार खोजे जो जसले, कर्तव्य खोज्न बाँकी छ ।
विद्यालयबाट उब्जेको सिर्जना फुल्न बाँकी छ
सपना बोकी हिँड्नेले यथार्थ भोग्न बाँकी छ।
व्यवस्था फेरियो धेरै अवस्था फेर्न बाँकी छ
अवस्था रहिरहे यस्तै व्यवस्था फेर्न बाँकी छ ।
बत्तिसपुतली, काठमाडौं
Subscribe
Login
0 Comments
Oldest
