चट्याङ मास्टरकुकुरपूजा
गोबर्धन भन्दै गोबरको पूजा गर्ने हामी थासका थास गोब्र्याउने चाहिँ अर्कै ! उफ्री उफ्री देउसी गाउने हामी हाम्रा दिमाग भुट्ने गरी भट्याउने अर्कै ।
चट्याङ मास्टर :
लक्ष्मीको पूजा गर्ने हामी
लक्ष्मीको मालिक हुने अर्कै ।
गाईपूजा गर्ने हामी
जर्सी गाईको मालिक अर्कै !
कुकुर पूजा गर्ने हामी !
उन्नत जातका कुकुरको मालिक अर्कै !
मानिस हौँ भनेर खुशी हुने हामी
हामीले माला लाइदिनु पर्ने अर्कै !
मान्छेले पशुवत् सीमा नाघेकै हो
क्यै नपाएर कुकुरकै पूजा गर्ने हामी !
कुकुर भनेर अरुलाई गाली गर्ने हामी
फेरि कुकुरकै पूजा गरेर बस्ने हामी !
गोबर्धन भन्दै गोबरको पूजा गर्ने हामी
थासका थास गोब्र्याउने चाहिँ अर्कै !
बलीराजाले खटनपट गरी पठाइने हामी
हामीलाई दान दिनु पर्ने अर्कै !
उफ्री उफ्री देउसी गाउने हामी
हाम्रा दिमाग भुट्ने गरी भट्याउने अर्कै ।
०००
बत्तिसपुतली, काठमाडौं
Subscribe
Login
0 Comments
Oldest
