नेपाली हास्यव्यङ्ग्य अनलाइन पत्रिका

१
जाने जाओस् उ यात्री पतन छ नवुझी खस्छ रे ! खस्न देउ !
आफ्नो जत्रो हुती थ्यो तुुजुक जति थियो फाल्छ रे ! फाल्न देउ ।
जौडे मान्छे हुन जति कुरा चाहिने शक्ति त्यो थ्यो
आफैं स्वाहा ! उ गर्ने भइकन उ हिंड्यो ! गर्नु के ? खस्न देउ !

२
यो खस्ने चाल नौलो नभइकन सधैं नै थियो त्यो वुझेन)
आँघी व्याधि सधैंको कति कति खपियो ! खप्न सक्तैन जाओस् !
कस्ता दुस्वप्न खप्ने दिन पनि खपियो ! भाग्छ रे ! भाग्न देउ !
साथी हो ! जो वसेका नडगिकन वस्यौं ! डग्छ जो डग्न देउ!

३
यो बाटो ता सधैंको कठिन छ तर जो जुध्न सक्तैन भागोस् !
त्यस्तालाई नञा नै तिर अव सजिलो लाग्छ ता भोग्न जाओस् !
यो सन्सारेै सधैं नै सहनशील कहाँ ? शान्ति है शान्ति जाओस् !
हामी जम्मै स्वतन्त्री सरि छ उ पनि है भाग्न खोज्यो ! त भागोस् !

४
के गर्छौ त्यो स्वतन्त्री अव नव पथकै हुन्छ यात्री ! लु होओस् !
थोत्रो जम्मै यताको ! सव चिज नमिठो ! लौ ! नञा स्वाद पाओस् !
मान्छे भोग्ने सवै झैं जति पनि निजकै कामले हो त भोगोस् !
मान्छे देखिन्छ जस्तो उ छ अनि उसले रूप त्यो छ्याङ्ग पारोस् !

झर्रो नेपाली घर, चन्द्रगढी, झापा