नेपाली हास्यव्यङ्ग्य अनलाइन पत्रिका

नेपालीसँग भो छ ऐन फतिलो दोषी नचिन्ने भयो
पैसाको बलमा अडान बदली त्यो ऐन किन्ने भयाे
त्यो लोभी पनको छ काम खुकुलो ऊ ऐन मान्दैन कि ?
को दोषी जन हो भनेर सजिलै ऊ ऐन जान्दैन कि ।१।

खेलाची जसरी गरेर यसरी बिश्वास घट्दै छ यो
पैसामा तुलना भएछ घटना संत्रास बढ्दै गयो
भन्दैछन् जनता जघन्य घटना यो ऐन ठान्दैन कि
मिल्याे रे ममता भनेर मनमा ऊ ऐन जान्दैन कि ।२।

नारी छन् अहिले र उच्च तहमा दुख्दै नदुख्ने भए
हत्यारा जतिकाे पुगेर सपना लुक्दै नलुक्ने भए
चल्छन् भित्र छुरा मरे पनि भुरा ऊ ऐन गन्दैन कि
ठूलाले मसिना  कि ज्यान गतिलाे ऊ ऐन जान्दैन कि ।३।

ठूलै गर्छ कुरा नबुझ्छ उसले त्यो ज्ञान विज्ञानको
कस्तो लालचको दलाल जसरी खै मूल्य भो ज्यानको
खोज्दै न्याय पुगे उपाय सजिलाे ऊ ऐन धान्दैन कि
या सर्वोच्च कतै बनेर गुनिलाे ऊ ऐन जान्दैन कि ।४।

माया गर्छ सधैं मिलेर अति नै चुक्ने छ पैसासँग
मीठो बोल्छ सधैं दलाल जसरी झुक्ने छ पैसासँग
पैसा मोह कतै बढेर अझ ऊ यो ऐन ठान्दैन कि
मान्छे मार्नु कला सिकेर अब लौ ऊ ऐन जान्दैन कि ।५।

सानाेठिमी, भक्तपुर