नेपाली हास्यव्यङ्ग्य अनलाइन पत्रिका

इन्दिरा प्रयास :

जपतप गर राम्रो जन्मिने छिन् कुमारी
जनक र जननीकाे दिव्य ऊर्जा उमारी
नियति पनि खुसीले सम्झिँदै जाे रहन्छ
घरघर जब छोरी रम्दछन् स्वर्ग हुन्छ ।।

सुखमय घर हाेलान् बालिका छिन् प्रफुल्ल
कनकमय धरामा लाग्दछिन् यी सुरम्य
हरपल तनयामा शुद्ध मायाँ बहन्छ
घरघर जब छोरी रम्दछन् स्वर्ग हुन्छ ।।

कलकल सरिताझैँ स्वच्छ चाला अभिन्न
भय रहित हुँदै छन् हर्षले भिन्न भिन्न
सुमधुर धुन उस्तै नेत्रमा चित्र बन्छ
घरघर जब छोरी रम्दछन् स्वर्ग हुन्छ ।।

मधुरमय सुधाझैँ बाल बाेली मिठास
सजल सबल बन्छिन् छुट्छ सारा निराश
हरपल खुस बन्छिन् भावले जाे कहन्छ
घरघर जब छोरी रम्दछन् स्वर्ग हुन्छ।।

तरह तरह इच्छाशक्ति जाग्छन् बुलन्द
मुसुमुसु मुसु हाँस्दै छर्दछिन् यी उमङ्ग
सुललित रचनामा सृष्टिले सत्य चुन्छ
घरघर जब छोरी रम्दछन् स्वर्ग हुन्छ ।।

०००
सानाेठिमी, भक्तपुर