इन्दिरा प्रयासअसारे भाका गाउँछन् पाका खेतमा झरेर
चमेली श्यामे सुन्तली माने खुसी छन् गाेठमा बैँसकाे मात उस्तै छ बरै ! ती लाली ओठमा नातिको साथ आमाेई आईन् सन्ताप हरेर असारे भाका गाउँछन् पाका खेतमा झरेर।
इन्दिरा प्रयास :
बादल गर्जी बर्सियाे झरी मध्य छ असार
छङ्छङ गर्दै खहरे झर्छन् ब्याँसीका कछाड
ती बाल वृद्ध गर्दै छन् काम जाँगर भरेर
असारे भाका गाउँछन् पाका खेतमा झरेर।
हाे माले हाे हाे हाे तारे हाे हाे हलीका गुञ्जन
सङ्गीत भर्दै झर्दै छन् झर्ना क्या राम्रा कानन
बुहारी सासू हिलाेले छ्याप्छन् मुस्कान छरेर
असारे भाका गाउँछन् पाका खेतमा झरेर।
बाउसे ब्याडे खेतमा नाच्छन् राेपार हँसाई
त्यो चर्काे घाम किसानी काम आलीकाे बसाई
नछाेड राँटाे सानै हाेस् आँठाे सिञ्चित गरेर
असारे भाका गाउँछन् पाका खेतमा झरेर।
मौसमी हाँस्छिन् राेपार नाच्छिन् हिलाेमा छम्छमी
धराले पिईन् खुसीले पानी तिर्खाले तन्तनी
बाढी छन् खाेला सकस हाेला बा आए तरेर
असारे भाका गाउँछन् पाका खेतमा झरेर।
चमेली श्यामे सुन्तली माने खुसी छन् गाेठमा
बैँसकाे मात उस्तै छ बरै ! ती लाली ओठमा
नातिको साथ आमाेई आईन् सन्ताप हरेर
असारे भाका गाउँछन् पाका खेतमा झरेर।
०००
सानाेठिमी, भक्तपुर
Subscribe
Login
0 Comments
Oldest
