इन्दिरा प्रयासज्येष्ठहरू अति कष्ट सहन्छन्
मानव जीवन सत्य छ सार बित्दछ काल यही अनुसार निल्न सकिन्न त्यसैपछि रुन्छन् ज्येष्ठहरू अति कष्ट सहन्छन् ।।
इन्दिरा प्रयास
बढ्दछ राेग र कष्ट अनेक
खाद्यहरू जल मिष्ठ निषेध
दर्द हरेक अगाडि रहन्छन्
ज्येष्ठहरू अति कष्ट सहन्छन्।।
दन्त झरी फल पुग्दछ टाढा
अन्न पिसीकन बन्दछ माडा
लाेचन कर्ण धिमा तब हुन्छन्
ज्येष्ठहरू अति कष्ट सहन्छन् ।।
दर्पण प्रस्ट सकिन्न नि देख्न
दुख्छ असाध्य न सक्दछ पाेख्न
राेदन मिश्रण हाल कहन्छन्
ज्येष्ठहरू अति कष्ट सहन्छन्।।
कान धिमा धुन सुन्न सकिन्न
प्राैढ दुखे मन हर्ष रहन्न
शिल्प कला पनि दूर रहन्छन्
ज्येष्ठहरू अति कष्ट सहन्छन्।।
मानव जीवन सत्य छ सार
बित्दछ काल यही अनुसार
निल्न सकिन्न त्यसैपछि रुन्छन्
ज्येष्ठहरू अति कष्ट सहन्छन् ।।
०००
सानाेठिमी, भक्तपुर
Subscribe
Login
0 Comments
Oldest
