जगदीश्वर पाेखरेलज्येष्ठ नागरिकमा छ सदा प्रणाम
उल्का भयो भुवनमा किन हुन्छ यस्तो । बिक्दै छ कर्मपथमा बल बैँस सस्तो ।। सुम्पेर जीवन सके धन पुण्य काम । यी ज्येष्ठ नागरिकमा छ सदा प्रणाम ।।
जगदीश्वर पाेखरेल :
घोटेर बैँस सकिँदा बल हुन्छ जीर्ण ।
इच्छा अगम्य मनको अझ हुन्न पूर्ण ।।
चाहन्छ मानव खुसी भवमा सुनाम ।
यी ज्येष्ठ नागरिकमा छ सदा प्रणाम ।।१
राम्रो विचार नलिए घरबार चल्छ ? ।
उत्सर्ग मानव जुनी अब देह ढल्छ ।।
उब्जन्छ अन्न घरमा तब मिल्छ दाम ।
यी ज्येष्ठ नागरिकमा छ सदा प्रणाम ।।२
उत्साह राह नभए कुन मार्ग जाने ।
मीठो छ भोक पसिना नबगे नखाने ।।
सत्कर्म धर्म नरहे रहँदैन नाम ।
यी ज्येष्ठ नागरिकमा छ सदा प्रणाम ।।३
पीडा सहेर खटिए परिवार पाल्न ।
नेपाल सेवक बने नव दीप बाल्न ।।
सम्मान मान नगरे अब मर्छ धर्म ।
यी ज्येष्ठ नागरिकमा छ सदा प्रणाम ।।४
उल्का भयो भुवनमा किन हुन्छ यस्तो ।
बिक्दै छ कर्मपथमा बल बैँस सस्तो ।।
सुम्पेर जीवन सके धन पुण्य काम ।
यी ज्येष्ठ नागरिकमा छ सदा प्रणाम ।। ५
०००
पाउँदीबजार, लमजुङ
लोकप्रिय फित्कौली डटकमले नेपाली भााषा, साहित्य, कलाको उन्ननयनमा अतुलनीय योगदान गरी रहेको छ । प्रधान सम्पादक नरनाथ लुइँटेलको योगदनलाई सम्मान गर्दछु । सामााजिक कार्यमा समर्पित हुनु भनेको चानचुने कुरा होइन । सर्जकका सिर्जना भावक सामु पुऱ्याइ दिनु हुन्छ । ओझेलमा परेका सर्जकलाई प्रकाशित गरिदिनु भएको छ । भावकले पढ्न पाउँछन् । कविता प्रकाशित गरिदिएर विश्व व्यापी बनाइदिएकोमा फित्कौली परिवारमा हार्दिक आभार अर्पण गर्दछ ।