नेपाली हास्यव्यङ्ग्य अनलाइन पत्रिका

भए देशवासी बडो भाग्यमानी
सँधै हुन्छ मन्त्रीहरूको कहानी ।
प्रतिज्ञा समारोहका मेजमानी
जदौ बालुवाटार सत्ता सिरानी।।

प्रणामीहरू छन् झुकी स्वस्ति गर्ने
शिरोधार्य मर्जी भनी पाउ पर्ने ।
नयाँ राजसी ठाँटका हाउभाउ
छ कार्पेट रातो सधैँ आउजाउ ।।

गयो साँझ पर्दै भयो मध्य रात
अनौठो र नौलो भएको छ बात ।
लिई मन्त्र “सामन्त“ आएर राती
सुटुक्कै दिने मन्त्रणा बुद्धि भाँती।।

बिहानै बिहानै सबै रात भन्छन्
उहाँले गरेका सही बात भन्छन् ।
म देख्दैछु नाङ्गै भुतुङ्गै भएको
प्रणामी गुलामी झुटो बात भन्छन् ।।

धादिङ