नेपाली हास्यव्यङ्ग्य अनलाइन पत्रिका

केशव दुवाडी :

जुट्छन्
गाला चाटाचाट गर्छन्
फुट्छन्
गाँड कोराकोर गर्छन्
मिल्दा
सबै क्रान्तिकारी
बाझ्दा
सबै विदेशी दलाल दक्षिणपन्थी
आफूले गर्दा
गठबन्धन
अरुले गर्दा ठगबन्धन !
एउटै मान्छे
कहिले राम जस्तो
कहिले रावण जस्तो
अहो नेपाली राजनीति
पिँध बिनाको लोटा जस्तो !
कहिले
नाम फेर्छन्
कहिले
ठाम फेर्छन्
कहिले
झण्डा फेर्छन्
कहिले चिन्ह फेर्छन् !
नाम फेर्छन्
काम फेर्दैनन्
नियम फेर्छन्
नियत फेर्दैनन्
नीति फेर्छन्
नेता फिरिन्नन्!
कुरा ठूला
भाषण ठूला
दम्भ ठूला
घमन्ड ठूला !
समय बदलियो
उनीहरु बदलिदैनन्
परिस्थिति बदलियो
यथास्थितिमै रमाउँछन् !!
छ्या ! कस्तो सत्ता लिप्सा!
कस्तो शक्तिमोह !
जय भोला !
देश र राजनीति
कहिले सुध्रिने होला ??

०००
धादिङ