राजेन्द्रप्रसाद अधिकारील तपाईंलाई पनि बधाई छ !
कविता वाचन गर्ने कार्यक्रम पनि राख्नु भएछ कवि भए न कविता जन्मन्छ कविता भए न कवि जन्मन्छ उत्तर-आधुनिक समयको आधुनिक कवि‚ ल तपाईंलाई पनि बधाई छ ।
राजेन्द्रप्रसाद अधिकारी :
ग्यास पाउनु भएछ
धारामा पानी पनि आएछ
राष्ट्रिय परिचयपत्र पाउनु भएछ
पासपोर्ट बनेछ
भिसा पनि लागेछ‚ ल बधाई छ
ओहो! तपाईंलाई त-
वहासँगको फोटोमा पनि देखियाथ्यो
राजनैतिक नियुक्ति नै पाउनु भएछ‚ ल बधाई छ
कविजी-
कवितालाई कच्याऽककुचुऽक पार्न थाल्नु भएछ
घिनलाग्दो विषयवस्तुलाई
त्यहि घिन पनि लजाउने गरी
नाटकीय ढँगबाट प्रस्तुत गर्ने आँट पनि गर्नु भएछ
घर‚ परिवार र समाजमा शीर उठाएरै
कविता वाचन गर्ने कार्यक्रम पनि राख्नु भएछ
कवि भए न कविता जन्मन्छ
कविता भए न कवि जन्मन्छ
उत्तर-आधुनिक समयको
आधुनिक कवि‚ ल तपाईंलाई पनि बधाई छ ।
०००
२०८३ भाद्र १
काठमाडाैं
Subscribe
Login
0 Comments
Oldest
