नेपाली हास्यव्यङ्ग्य अनलाइन पत्रिका

राजेन्द्रप्रसाद अधिकारी :

एकाएक उदाउनु भो‚ एकाएकै छाउनु भो
तपाईंको धरातल के हो‚ तपाईंको मण्डली कुन हो ?
तपाईंको दृष्टि र दृष्टिकोण के हो‚ तपाईंको आयाम कत्रो हो ?
तपाईंको चेत र चेतना के हो‚ तपाईंको आकार कस्तो हो ?
तपाईंलाई डोर्याउने को हो‚ तपाईंको गन्तव्य कहाँ हो ?
कुनै दर्शन‚ सिद्धान्त वा वाद केही छ कि ?
कुनै आधार‚ विचार वा आदर्श पनि केही छन् कि ?
तपाईंसँग परिचय भएको यतिका दिन भैसक्यो-
नरिसाइकन भनिदिनुस न
तपाईंलाई चिन्ने कसरी हो ?
साँच्चै‚ तपाईंको वास्तविक परिचय चाहिँ के हो ?

०००
२०८२ चैत २८
काठमाडाैं